ABOOD ATOA USAFIRI WA BURE KWA WAPENZI WA KANUMBA KWENDA KUMUAGA LAKINI WAAMBULIA PATUPU.

Ujumbe hapo kwenye bus: Morogoro,We Love You Kanumba.

ABOOD mmetisha & thank u for providing free buses to the people of Morogoro so as they could pay their last respect's to the late Steven Kanumba! Yaani amegawa mabasi special kutoka mikoani, ths shows how great Kanumba was.
---

BAADHI ya wakazi wa Morogoro waliofika hapo walilalamikia kushindwa kutoa heshima zao licha ya kukodi basi la Kampuni ya Abood kutoka Morogoro kuja Dar es Salaam.

“Tumekuja hapa kutoka Morogoro, tumesikitishwa na hali ilivyo hapa, mara kumi wangepeleka Uwanja wa Taifa kwenye nafasi na kila mmoja akatoa heshima zake kwa mpangilio kuliko hapa,” alisikika mmoja wa abiria aliyekuwa ameegemea basi hilo.

Alielezea kushangazwa na Kamati ya Maandalizi kuwa, imeshindwa kuweka utaratibu licha ya kufahamu kuwa watu watakuwa wengi ndiyo maana walipeleka Leaders.

Naye Meneja Itifaki wa Miss Tanzania, Albert Makoye, alisema kama ungeandaliwa utaratibu hasa wa kuaga, kila mmoja angeweza kutoa heshima zake kwa marehemu.

*Msalaba mwekundu waelemewa

Wafanyakazi waliokuwa wanatoa huduma ya kwanza walielemewa na wingi wa watu waliokuwa wakizirai kutokana na sababu mbalimbali.

Timu ya waandishi wetu ilibaini waliokuwa wakizirai ni kutokana na kusimama muda mrefu wakati wengine walikuwa wakishindwa kuhimili msongamano.

Mhudumu mmoja wa Msalaba Mwekundu, aliwaeleza waandishi kuwa takriban watu 120 walizirai na kupatiwa huduma ya kwanza na kwamba, waliokuwa na hali mbaya walikimbizwa Hospitali ya Mwananyamala.

“Wengi tumewakimbiza Mwananyamala, hali zao siyo nzuri kwani walikuwa wamepoteza fahamu na zaidi ni wanawake,” alisema mhudumu huyo. 

na Licha ya Msalaba Mwekundu, taasisi mbalimbali zilipeleka magari ya huduma ya kwanza. Taasisi hizo ni Hospitali ya Mwananyamala, Shirika la Umoja wa Mataifa la Kuhudumia Wakimbizi (UNHCR) na Ndege Medics zilikuwa na kazi ya kuchukua waliozirai na kuwakimbiza hospitali.

Wakati mwili ukipotolewa viwanja vya Leaders, ving'ora vya magari hayo vilikuwa vikisikika pamoja na magari mbalimbali yaliyojitolea kuwakimbiza watu hao hospitali.

*Magari mawili ya mazishi 

Katika hali isiyokuwa ya kawaida, kampuni ya kushughulikia mazishi iliyokuwa ikihudumia kubeba mwili wa Kanumba ya Nuru Funeral Service ilileta gari la akiba iwapo gari hilo lingepata matatizo.

Mara kwa mara, kumekuwa na gari moja ambalo ndilo linalohusika na ubebaji mwili, gari ya ziada ya Nuru Funeral ilishuhudia ikiwa pembeni kwa ajili ya kuokoa jahazi iwapo ingetokea tatizo.

“Hawa jamaa kiboko wameleta hadi gari ya ziada,” alisikika jamaa mmoja aliyekuwa pembeni ya gari hilo lililokuwa limepaki kando ya viwanja vya Leaders kabla ya kuondoka muda mfupi baada ya lile lingine kuondoka na mwili.

Trafiki waenda ‘likizoni’

Wakati huohuo, polisi wa usalama barabarani jana walikuwa 'likizo' kukamata magari yanayoiba njia kutokana na kuleta waombolezaji kwenye msiba huo.

Kuanzia saa 3:00 asubuhi, daladala za Gongo la Mboto-Msasani, Ubungo-Msasani, na zile za Mwanannyamala-Posta na Stesheni, Temeke-Posta, Tandika-Ubungo zilikuwa zikiishia Viwanja vya Leaders ‘zikimwaga’ waombolezaji.

Hata hivyo, watu hao walishindwa kuingia ndani ya viwanja vya Leaders kutokana na msongamano mkubwa wa watu waliofika kutoa heshima za mwisho kwa Kanumba.

Katika hatua nyingine, watu walilazimika kuruka ukuta wa makaburi ya Kinondoni kuingia ndani baadaya polisi kuzuia watu kuendelea kuingia.

Wanawake kwa wanaume walishuhudiwa wakibebana kuingia ndani ya yadi ya makaburi kwa kuruka ukuta, huku wengine wakidandia miti walau kupata nafasi ya kushuhudia tukio hilo.

R.I.P STEVEN KANUMBA.

SALAM ZA PASAKA.

UJENZI WA DARAJA LA MTO SANGASANGA WALETA FARAJA GEZAULOLE.

UJENZI wa daraja la Mto Sangasanga linalounganisha Kitongoji cha Gezaulole katika Barabara ya Gwata Ujembe, Kata ya Gwata, Tarafa ya Mikese, Wilaya ya Morogoro litakalowaondolea adha wananchi wa pande mbili hizo kutokana na hofu ya kupoteza maisha yao, litagharimu kiasi cha Sh milioni 32. 

Wananchi wa Kitongoji hicho na wale wa Gwata Ujembe, kwa muda mrefu wamekuwa na hofu 

baada ya miaka ya nyuma kuwepo matukio ya watu kufa baada ya kusombwa na maji wakati 

walipoamua kupita mtoni kutokana na ukosefu wa daraja. 

Daraja hilo lilianza kujengwa Agosti 18, mwaka jana fedha yake hiyo imetolewa na TASAF na pia mradi huo, umelenga kuchimbwa kwa barabara yenye urefu wa kilometa 4.2 ili kuwezesha kurahisisha usafiri mara baada ya kukamilika kwa ujenzi wa daraja hilo Aprili mwaka huu. 

Mwenyekiti wa Mradi huo, Rehema Kisimikwe alisema Mradi huo uliobuniwa na wananchi wa 

Kitongoji cha Gezaulole kutokana na adha walizokuwa wakizipata hasa kwa wanafunzi kukwama kwenda shule na wananchi wengine kushindwa kwenda kujipatia mahitaji muhimu sehemu mbalimbali nje ya Kitongoji hicho. 

Alisema ukosefu wa daraja umeendelea kuleta adha kwa wananchi wa pande mbili zilizotenganishwa na mto huo hasa wakati wa mvua za masika mto unapojaa maji na kusababisha mafuriko yanayowafanya wananchi washindwe kuvuka kutoka upande mmoja kwenda mwingine wakiwemo na wanafunzi wa shule ya Msingi na Sekondari. 

Naye Katibu wa Mradi huo, Yusuph Chuma, alisema miaka ya hivi karibuni Mto huo ulisababisha vifo vya watu wawili kusombwa na maji ya mafuriko,na kusisitiza kuwa kukamilika kwa daraja hilo kutatoa ahueni kwa wananchi na ni ukombozi wao katika maendeleo.

ASKOFU MKUDE ASIFU UADILIFU WA HAYATI BABA WA TAIFA.

ASKOFU Telesphor Mkude wa Kanisa Katoliki Jimbo la Morogoro amesifu uadilifu wa Baba wa Taifa, Mwalimu Julius Kambarage Nyerere akimtaja kuwa ni mtu aliyeishi katika hali ya kimasikini huku akiongeza kuwa matendo yake yanapaswa kuigwa na viongozi wengine duniani. 

Kutokana na sifa hizo mara baada ya kifo chake, kiongozi wa sasa wa Kanisa Katoliki Duniani, Benedict XVI aliwapendekeza Mwalimu Nyerere na Papa Yohana Paulo ambao wamefariki dunia waingie kwenye mchakato ili kuwawezesha wawe wenyeheri. 

Askofu Mkude aliongoza Ibada ya kitaifa ya kumbukumbuku ya mateso ya Bwana Yesu Kristo iliyofanyika kwenye Kanisa Kuu la Mtakatifu Patrice la Jimbo la Morogoro. 

Hivyo aliwataka Watanzania wazidi kumwombea ili aweze kutangazwa kuwa Mwenyeheri, jambo ambalo litakuwa ni ya kujivunia si tu kwa Watanzania pia na Waafrika wote, kutokana na kuzoeleka kuwa mwenyeheri ni weupe pekee. 

“Mwalimu Nyerere alijitahidi kuishi katika hali ya kimasikini na matendo yake ni ya kuigwa na viongozi wengine duniani, hivyo Watanzania inabidi tumwombee ili aweze kuingia kuwa Mwenyeheri,” alisema Askofu wa Kanisa hilo. 

Hata hivyo, amewashauri Watanzania wakiwemo viongozi wenye mamlaka kuachana na tabia ya kujinufaisha wao wenyewe kwa kutumia njia zisizo halali ikiwemo rushwa

AFANDE SELE AFUNGUKA NA KUZUNGUMZIA SAKATA LILIOMKUTA HIVI KARIBUNI MJINI MOROGORO.

Afande Sele The King

---

Ndugu zangu ambao ni mashabiki wangu!!

Juzi wakati nimerejea kutoka Tanga, majira ya jioni ndugu zangu Ballet Wallet(mtupori) , Adam Lumbe na Twenty Percent (20%) walitoka na gari yangu, kwa bahati nzuri au mbaya wakapita maeneo ya NMB hapa Morogoro, wakapaki gari kwa haraka kwa kuwa Adam Lumbe alimuona kijana ambae alimtapeli katika mauziano ya pikipiki, likatokea zogo!! 

Polisi waliokuwa Lindo pale Bank wakaja kuizuia gari na pia wakawaweka chini ya Ulinzi Ballet Wallet na Adam Lumbe, licha ya maelezo waliyowapa hawakuwaelewa, 20% akataka kuchukua gari wakamkatalia, ikabidi akodi pikipiki aje nyumbani kunifuata nikafuate gari, nimefika pale Bank polisi wakakataa kunipa gari ili niende kituo kikubwa cha polisi kuwawekea dhamana ndugu zangu kwa kuwa muda huo Ballet na Adam walikua washapelekwa kituoni.

Kilichotokea baada ya hapo nilielezwa nisubiri gari ya doria nipewe Eskoti mpaka polisi lakini baada ya kufika gari ya doria wakiwa na wanamgambo wa manispaa walituvamia na kuanza kutupiga marungu na kutujerehi, wananchi ambao ni kama ndugu zangu wanamorogoro wakasogea eneo la tukio.

Polisi wakafyatua risasi hewani kuwasambaratisha tukapelekwa Polisi kituoni, pale hatukuchukuliwa maelezo haraka, baadae tukatoa maelezo baada ya wale mabwana wadogo askari kupata amri toka kwa wakubwa wao!! Jana (juzi) tukafikishwa mahakamani tukakosa dhamana, tukapelekwa ngome (jail) tukiwa kama mahabusu, leo  (jana) kwa bahati nzuri tumepata dhamana, na tumeweka wanasheria makini kusimamia HAKI yetu. 

Si kweli hata kidogo kuwa kwenye gari yangu kulikua na silaha za kijadi kwa lengo la kumdhuru mtu, walikuta fimbo yangu ile ya Mfalme wa rhyemes na kisu au kama panga ambao ni kitu cha kawaida kuwa nacho kwenye gari, na si kweli hata kidogo kuwa Ballet alikua kavaa kic..p* tu. 

Ndugu zangu wapendwa watanzania wenzangu,na mashabiki wetu kiukweli hali za jela na selo zetu ni mbaya mazingira mabovu ndugu zetu wanateseka. Nilitumia muda mchache niliokua kuwa kule kuwafariji na kuwapa moyo ingawa nilienda kwa Matatizo, na muda huu nipo hapa Nyumbani Misufini na Twenty Percent na Ballet pamoja na ndugu wengine! 

Tumechinja Mbuzi kama Sadaka au dhabihu kwa Mungu na kuchoma, kuelekeza moshi kwake kama ishara ya kumpenda na kushukuru kwa yote!! mwisho tunaomba radhi kwa mashabiki wetu wote kwa usumbufu mulioupata. 

ASANTENI KWA FARAJA ZENU KWANGU WAKATI WOTE ,Ni mimi

SELEMANI ABDALLAH JUMA MUTABHAZI MSINDI .. KING OF RHYEMEZ. (AFANDE SELE).

AFANDE SELE NA 20% WAPATA DHAMANA.

NA DUNSTAN SHEKIDELE, GPL, MOROGORO

WASANII nyota wa muziki wa Bongo Fleva nchini, Seleman Msindi   ‘Afande Sele’ na Abbas  Hamis ‘20 Per Cent’  waliokuwa mahabusu toka juzi wakikabiliwa na kesi tano ikiwemo moja ya kushambulia,  wametoka nje baada ya kupata wadhamini mchana huu kufuatia kesi zao zilizokuwa zikisikilizwa katika mahakama ya Mwanzo Mazimbu, Mkoani Morogoro,  kuahirishwa hadi Aprili 10 na Aprili 12 mwaka huu.

Akizungumza na mtandao huu nje ya mahakama muda mfupi baada ya kupata dhamana, Afande Sele alilitupia lawama jeshi la polisi akidai hivi sasa limekithiri kwa kuwabambikizia watu kesi,

Katika hatua nyingine, mwanamuziki huyo  alimueleza mwandishi wetu nia yake ya kugombea ubunge Jimbo la Morogoro katika uchaguzi wa 2015  ili kupambana na kero nyingi zinazowakabili wananchi wa jimbo hilo ikiwemo kero hiyo ya jeshi la polisi.

Kwa upande  20 Per Cent, yeye aliwashukuru wananchi wa Mkoa wa Morogoro kwa kuwaunga mkono na kuwataka polisi wasicheze na nguvu ya umma.
                                

MACHINGA WATAKIWA KUHAMIA KIKUNDI.

UONGOZI wa Halmashauri ya Manispaa ya Morogoro umewataka wafanyabaishara ndogondogo kutumia Soko la Kikundi badala ya kupanga bidhaa zao chini maeneo ya barabarani. 

Naibu meya wa manispaa hiyo, Lidya Mbiaji, alisema wafanyabiashara hao wamekithiri mjini hapa kwa kufanya biashara hususan nyakati za jioni barabara za Madaraka, mzunguko wa daladala maeneo ambayo yamepigwa marufuku kwa biashara.

“Wafanyabishara wote wanatakiwa kufanya shughuli zao eneo husika la Kikundi, ili kupisha mji kuwa safi na salama kwani wanapofanya hivi mandhari ya mji yanakuwa siyo nzuri” alisema Mbiaji."

Mbiaji alisema maeneo hayo ya barabara waliyokuwa wakiyatumia ni hatari kwa maisha yao na hata afya za walaji, kwani wamekuwa wakipanga bidhaa chini.

Pia, alisema soko la Kikundi ndilo limeandaliwa kwa wafanyabishara hao na kwamba, tayari halmashuri imeshaboresha kwa kuweka taa na huduma zingine.

Alisema halmashauri hiyo inaendelea na kuboresha soko hilo liweze kukidhi mahitaji yote ya wafanyabiashara hao.

SIKILIZA SONGI JIPYA KUTOKA MZEE WA MOROGORO FAMILY aka FAZZO "CHECK YOURSELF".

MFALME WA RHYMES aka AFANDE SELE AZUA BALAA MOROGORO, RISASI ZA RINDIMA.

Mwanamuziki mkongwe nchini na mkazi wa Mjini Morogo, Suleiman Msindi maarufu kama Afande Sele ametiwa matatani mjini Morogoro jioni hii baada ya yeye na wafuasi wake kuzua rabsha katika moja ya vibanda vya Biashara vilivyopo jirani na Benki ya NMB tawi la Wami hadi Polisi kufyatua risasi angani kutuliza vurugu hizo.

Kwamujibu wa shuhuda wa tukio hilo anapasha kuwa awali vijana hao wanaodaiwa kuwa ni wapambe wa Afande Sele, walitinga wakiwa katika gari dogo na kuliegesha jirani na Benki hiyo kasha kuteremka wakiwa na mapanga mkononi jambo ambalo liliwastua askari Polisi waliokuwa lindoni katika benki hiyo.

Aidha baada ya muda mfupi huku Polisi hao wakila mingo walishanga kutokea vurugu kubwa katika moja ya vibanda hivyo, na kuwatia nguvuni vijana hao na Polisi kushikilia gari hilo kwa hatua zaidi. 

Shuhuda huyo anasema vijana hao walipokuwa chini ya ulizni ili polisi wengine waje kuwachukua pamoja na gari walilokuja nalo walidai gari ni mali ya Afande Sele hivyo wamuite aje kulichukua.

Simu ikapigwa kwa Afande Sele na alipofika alitaka achukue gari lake na hao vijana waende nalo, lakini Polisi walesema gari hilo halitatoka ndipo vurumai nyingine ikaanza katika eneo hilo.

Shuhuda napasha zaidi kuwa walifika Polisi wa doria majira ya saa kumi na mbili jioni eneo la tukio kutokana na vurugu hizo zikafyatuliwa risasi huku mawe yakirushwa jambo lililopelekea kuharibika kwa magari kadhaa.

Source na kwa habari zaidi tembelea mrokim.blogspot.co.uk

CHUPA TUPU ZAWA DILI MOROGORO.

Mjasiriamali Prudence Kayusi akiwa katika kituo chake cha biashara ya chupa tupu eneo la Sabasaba, Manispaa ya Morogoro.

---

WAHENGA walisema “Binadamu haishi kwa kutegemea mkate pekee”. 

Huo ni msemo waliotumia ili kusisitiza umuhimu wa kujitafutia riziki kwa kufanya kazi halali ya kujipatia kipato. Kutokana na hali hiyo, siku zote binadamu amejiwekea utaratibu wa kujishughulisha, kwa kazi za kujiajiri mwenyewe au kuajiriwa, kama vile ofisini, zote kwa lengo kuu moja la kuboresha maisha. 

Mwandishi wa makala haya, amefanya utafiti kwa muda sasa juu ya shughuli ya kuokota chupa tupu za plastiki, ambazo tayari watu wamekunywa maji na kuzitupa, wanunuzi wa kati na wakubwa wa bidhaa hiyo na faida wanayoipata wajasiriamali waliojikita kwenye biashara hiyo. 

Zamani chupa hizo, baada ya kilichomo ndani yake kutumiwa, zilikuwa ama zikitupwa jalalani au kando ya barabara. Wakati mwingine ziliachwa ovyo kila kona, hivyo kuwa ni sehemu ya uchafu. 

Lakini, maendeleo ya sayansi na teknolojia, yaliyochangiwa na utandawazi, yameleta mabadiliko, kwani chupa hizo polepole zikaanza kutafutwa na watu wachache na haikujulikana zinahitajika kwa ajili ya nini na kwa manufaa gani. 

Kwa Manispaa ya Morogoro, mtu wa kwanza kujitosa katika ukusanyaji wa chupa hizo kupitia vijana aliowateua, alikuwa ni Bondia wa ngumi za kulipwa nchini, Francis Cheka, maarufu kama ‘ SMG’. 

MOROGORO YAPEWA SHILINGI MIL 159/- ZA MAJI.

HALMASHAURI za wilaya za Mkoa wa Morogoro kwa mwaka huu wa fedha, zimepokea Sh milioni 159.7 na kuzitumia katika utekelezaji wa miradi ya maji inayoleta matokeo ya haraka. 

Pia sekta ya maji imeanza kutekeleza miradi miwili ya maji kupitia ufadhili wa Benki ya Dunia (WB) na Mfuko wa Changamoto za Milenia (MCC). 

Miradi hiyo ya MCC inatekelezwa katika Manispaa ya Morogoro, Miji Midogo ya Kilosa, Gairo, Mvomero, Turiani, Mikumo na Mahenge. 

Katibu Tawala Msaidizi wa Mkoa wa Morogoro, Lameck Noah alisema hayo hivi karibuni mjini hapa katika mkutano wa wadau wa sekta mbalimbali, ambao walihoji juu ya mkakati wa Serikali wa kuwapatia maji safi na salama bila matatizo. 

Alitaja idadi ya watu wanaopata maji safi na salama vijijini kuwa ni 1,044,478 sawa na asilimia 62.95 na malengo ya kitaifa ya utoaji wa huduma hiyo kwa wananchi waishio vijijini ilitakiwa hadi mwaka 2010 iwe imefikia asilimia 65. 

Mbali na maeneo ya vijijini, huduma ya upatikanaji wa maji mjini kimkoa imefikia watu 178,309 sawa na asilimia 93 na hivyo kuvuka malengo yaliyowekwa hadi mwaka 2010 ambayo ni asilimia 90. 

Akizungumzia sekta ya ushirika na masoko, Noah alisema mkoa huo una Vyama vya Kuweka na Kukopa (Saccos) 331 vyenye mtaji mkubwa ambapo wanachama wake wamefikia 45,127; kati ya hao wanaume ni 25,869 na wanawake ni 19,258. 

Alisema hadi Agosti mwaka jana, Saccos hizo zilikuwa zimetoa mikopo kwa wanachama yenye thamani ya Sh milioni 33.3 na marejesho ya Sh 22.9.

Source: Habari Leo

HIZI NI PICHA ZA HIVI KARIBUNI ZA BAADHI YA MAENEO MOROGORO.

SOKO KUU LA MOROGORO

MADIZINI MITAA YA MOROGORO 

Wana nchi wa Madiziniwakitengeneza kinywaji cha asili 

KILAKALA SHULE YA WASICHANA WENYE VIPAJI MAALUMU 

Je una maoni gani kuhusu hizi picha. Kwa upande wa maendelo ya mkoa wetu je unaona kuna maendeleo yeyote?

Picha zote kwa hisani ya mjengwablog.com

MWANA MOROGORO FAMILY aka MFALME WA RHYMES 'AFANDE SELE' AWEKA WAZI NIA YA KUGOMBEA UBUNGE '2015'.

MFALME wa Rhymes nchini Seleman Msindi 'Afande Sele' ameweka wazi mpango wake wa kugombea ubunge katika uchaguzi wa mwaka 2015.

Akizingumza hivi karibuni Sele alisema ameamua kugombea ili kuweza kuwatetea wanyonge ambao wamekosa watetezi bungeni.

Hata hivyo Msindi ambaye amekuwa akiimba nyimbo zenye 'mguso' kwa jamii zikiwemo 'Mtazamo' aliowashirikisha Solothang na Prof.J,Karata Dume na nyinginezo hakuweka wazi kuwa atasimama kwa tiketi ya chama gani.

KULIKONI MAGUFULI?

NA DUNSTAN SHEKIDELI (Mwandishi wa GPL), MOROGORO

Waziri wa Ujenzi, Dk. John Pombe Magufuli wiki iliyopita akiwa mjini hapa alitoa kali ya mwaka baada ya kukataa kukalia kiti alichoandaliwa mkutanoni, hali iliyozusha minong’ono kutoka kwa watumishi wa serikali kuwa sumu inamtesa.

Katika tukio hilo lililowaacha midomo wazi wafanyakazi wa wizara yake wa mkoani hapa na  mwandishi wetu kujionea, Dk. Magufuli baada ya kugoma kukalia kiti alichoandaliwa na wenyeji wake, alichukua kiti alichoandaliwa mwenyeji wake, Mkuu wa Chuo cha Ujenzi, Injinia Mdee na kukikalia.

 Ajabu kubwa ni kwamba kiti hicho cha Magufuli baada ya kukikataa,  hakuna kiongozi mwingine aliyekubali kukikalia na badala yake kikashushwa chini ya jukwaa na kubaki wazi hadi mwisho wa mkutano.

Mbali na kugoma kukalia kiti hicho mbele ya wafanyakazi wa idara zote za Wizara ya Ujenzi mkoani hapa waliofika katika  Ukumbi wa Chuo Cha Ujenzi mjini hapa kumsikiliza, Dk. Magufuli pia hakunywa maji ya chupa yaliyokuwa meza kuu.

Kama vile hiyo haitoshi, waziri huyo pia aliandaliwa chakula cha mchana ambapo kwa mshangao wa wengi, alikataa  kula bila wafanyakazi kuelezwa sababu ya kiongozi wao kukataa mlo huo.

Minong’ono iliyoenea katika ukumbi huo ni kwamba kitendo hicho cha Magufuli kususa vitu hivyo hadharani ni hofu ya sumu hasa ikitiliwa maanani kwamba Naibu wake, Dk. Harrison Mwakyembe amekuwa akiteseka kwa ugonjwa kipindi kirefu hadi akapelekwa India Oktoba 9 mwaka jana kwa matibabu kutokana na kile kilichodaiwa kuwa alilishwa sumu katika moja ya mikutano yake ya kikazi.

Mwandishi wetu alimfuta Waziri Magufuli kwa lengo la kupata ufafanuzi wa kukataa kiti, maji na chakula alichoandaliwa ambapo alipotakiwa kujibu maswali hayo, aligoma kufafanua na kujibu kwa mkato:

“Samahani kijana nimechelewa sana, nina mkutano sehemu nyingine, hivyo sitakuwa na muda wa kuzungumza na wewe. Nisamehe kwa hilo.”

Katika mkutano huo, Dk. Magufuli pamoja na mambo mengine, aliwataka watumishi hasa wa Wakala wa Barabara Tanzania (Tanroads) kuacha kula rushwa na akasema atatumia maofisa wa Taasisi ya Kuzuia na Kupambana Rushwa nchini (Takukuru) na jeshi la polisi kuwakamata wale wote wanaojihusisha na vitendo hivyo.

Meneja wa Tanroads Mkoa wa Morogoro, Injinia Doroth Mtenga alipotakiwa kuzungumzia tukio hilo la bosi wake kugoma kukalia kiti na kula chakula walichomuandalia naye alionekana kukwepa kuzungumzia hilo akasema:

“Mimi sijui ni kwa nini amekataa na kwamba siwezi kuzungumzia chochote kuhusiana na hilo.”

Afisa mmoja wa wanakamati ya maandalizi ya mkutano huo aliyeomba hifandhi ya jina lake kwakuwa siyo msemaji wa Tanroads, alisema anadhani waziri amefanya hivyo kwa sababu ya mambo ya kiusalama.

“Wakati tunambadilishia kiti alisema eti ni kirefu lakini kiukweli ni kwa sababu za kiusalama … kuna kitu amehofia ndiyo maana hata chakula amekataa kula, hili ni tukio la mwaka.”

Baadaye mwandishi wetu alibaini kuwa Waziri Magufuli alikwenda hoteli aliyofikia iitwayo Nashera, ile ambayo Naibu Waziri wa Nishati na Madini, Adam Malima ‘alilizwa’ mamilioni ya shilingi na vitu kadhaa vya thamani hivi karibuni.

PICHA ZILIZO BAMBA FB LEO NA HAPA NI KATIKATI YA MJI WETU.

Hela ya walipa kodi inaenda wapi?

UJUMBE WA LEO.

Nyerere aliona mbali.. Hapo kwenye hilo gazeti la miaka mingi alishawai kusema kwamba katika nchi iliyo na, wananchi masikini na wageni matajiri kama selikali itaamua kuuza aridhi basi asilimia kubwa ya hiyo aridhi itamilikiwa na wageni.....

MWANAFUNZI WA CHUO CHA UANDISHI WA HABARI AJIUA.

MWANAFUNZI wa Chuo cha Uandishi wa Habari Morogoro, Hemed Athuman (21), amejinyonga kw akutumia shuka baada ya kufeli mitihani.

Kamanda wa polisi mkoani hapa, Adolphina Chialo, alisema tukio hilo lilitokea Machi 22, mwaka huu saa 2:30 usiku nyumbani kwao, eneo la Mafiga.

Chialo alisema mwanafunzi huyo alikuwa anasoma Chuo cha Uandishi wa Habari Morogoro ngazi ya cheti, baada ya majibu kutoka ya kuingia semista ya pili, ilionekana hakufanya vizuri.

Kwa mujibu wa ndugu, Athuman aliacha barua ujumbe kuwa hakutendewa haki katika mitihani yake na asihusishwe mtu yeyote na kifo chake, kwani ameamua mwenyewe.

Alisema ameamua kujiua kutokana na kutotendewa haki kwenye mitihani yake huku akisema alijitahidi kusoma kwa bidii kutokana na kwamba, ndugu ndiyo waliokuwa wakimsaidia kwa sababu wazazi wake walishafariki,  lakini ameona ndoto yake haiwezi kutimia.

Hata hivyo, Chialo alisema uchunguzi zaidi wa kifo hichounaendelea.Katika lingine, mtu asiyefahamika amefariki dunia baada ya kugongwa na gari.

Chialo alisema tukio hilo lilitokea Machi 22, mwaka huu saa 2:00 usiku eneo la Makunganya barabara ya Morogoro – Dodoma, gari isiyofahamika ilimgonga mtu huyo na kusababisha kifo chake papo hapo.

Wakati huohuo, Martine Emilly (38), mkazi wa Kihonda, Manispaa ya Morogoro, akiwa katika pikipiki aina ya Sanlg aligongwa na gari isiyofahamika na kufariki papo hapo.

Kamanda Chialo alisema tukio hilo lilitokea Machi 22, mwaka huu saa 2:00 usiku eneo la Makunganya,  baada ya ajali hiyo kutokea mwenye gari alikimbia na polisi inaendelea na uchunguzi zaidi

MSAMVU KUKUSANYA SH1.6 MILLIONI.

KAMPUNI ya Msamvu properties company (T) Limited inayosimamia ujenzi wa Kituo cha Mabasi cha Kisasa cha Msamvu kilichopo mkoani Morogoro kinatarajia kupata Sh1.6 milioni ambazo zitatumika kuendesha miradi mbalimbali ndani ya kituo hicho.

Meneja wa mradi wa ujenzi wa kituo hicho Amos Mazaba alisema fedha hizo zitapatikana baada ya  kukodisha nafasi 242 za kuweka matangazo mbalimbali ya biashara.

Mazaba alisema kampuni yake imetoa nafasi hizo na kila moja itatozwa Sh 7,000.Alisema fedha hizo zitatumika  kuendeleza miradi mbalimbali itakayokuwamo ndani ya kituo hicho.Alitaka kampuni mbalimbali mkoani Morogoro na jirani kuwekeza katika uwanja huo.

Mazaba alisema bei hiyo itasaidia kuboresha madhari ya eneo hilo na kituo hicho cha mabasi kinatarajiwa kuwa  kivutio katika nchi za afrika mashariki na kati.Ujenzi wa kituo hicho utajumuisha miundombinu mbalimbali kama vile kujengwa kwa  jengo la hoteli lenye ghorofa kumi.

Picha kwa hisani ya The Habari.Com

HILI NDIO BASI LA NAJMUNISA LILILOTEKEA KWA MOTO LEO MOROGORO.

Source: issamichuzi.blogspot.com